चितवन, २० चैत । चितवनमा ट्याङ्कर दुर्घटना हुँदा एक जनाको मृत्यु भएको छ भने एक जना घाइते भएका छन् ।
बिहान ६ बजेतिर इच्छाकामना गाउँपालिका वडा नम्बर ४ लेवटारमा भारतीय नम्बरको प्लेटको ट्याङ्कर पल्टिएको प्रहरीले जनाएको छ ।
प्रहरीका अनुसार दुर्घटनामा एक जना पुरुषको घटनास्थलमा नै ज्यान गएको हो । उनको परिचय खुल्न बाँकी छ ।
यस्तै, घाइते भएका व्यक्तिको पनि परिचय खुलेको छैन । उनको पुरानो मेडिकल कलेजमा उपचार भइरहेको छ ।
