काठमाडौं, २२ कार्तिक । यस सिजनको च्याम्पियन्स लिगमा अस्टन भिल्लाले पहिलो पराजयको सामना गरेको छ। बुधबार राति ब्रसेल्समा भएको खेलमा क्लब ब्रगसँग भिल्ला १–० ले पराजित भएको हो।
भिल्लाको हारको कारण दुर्भाग्य पूर्ण पेनाल्टी थियो। भिल्लका गोल रक्षक एमिलियानो मार्टिनेजले हातले बल चलाएका थिए।
टोलीका रक्षक ट्रोयन मिङ्सले बल चलेको छैन भन्ने सम्झेर सो बल हातले समाएका थिए। हेन्ड बलमा पेनाल्टी पाएपछि ब्रगका कप्तान हान्स भानाकेनले त्यसको सदुपयोग गर्दै निर्णायक गोल गरेका हुन्।
यसअघि अस्टनभिल्ला च्याम्पियन्स लिगका सुरुवाती तीन खेलमा विजयी भएको थियो।
