Logo

झापामा गुडिरहेको म्याजिक भ्यानमा अचानक आगो लाग्दा चालक घाइते, यात्रुले भागेर ज्यान जोगाए



 झापा, १४ मंसिर । झापाको कचनकवल गाउँपालिका-६ लाहुरेचोकमा शनिबार साँझ गुडिरहेको एउटा म्याजिक भ्यानमा आकस्मात आगलागी भएको छ।

केचना–चन्द्रगढी सडकखण्ड हुँदै बनियानीबाट हिमालीतर्फ जाँदै गरेको मे.१ ज ३२७९ नम्बरको म्याजिक भ्यानमा गुडिरहेका अवस्थामा अचानक आगो लागेको प्रहरीले जनाएको छ। आगलागीबाट सवारी साधन पूर्णरूपमा नष्ट भएको छ।

आगलागीमा परेर चालक प्रकाश खनाल घाइते भएका छन्। उनको अनुहार र टाउको जलेको छ। उनको अवस्था सामान्य रहेको प्रहरीले जनाएको छ।

उनलाई तत्काल उद्धार गरी स्वास्थ्य केन्द्र बनियानीमा लगिएको थियो। गाडीमा रहेका अन्य दुई यात्रीले भने भागेर ज्यान जोगाएका छन्।

प्रतिक्रिया दिनुहोस्