झापा, ४ मंसिर । झापा गाउँपालिका वडा नम्बर २ को कुवाडी देवी माविको मतदान स्थल बाहिर बमको जस्तो आवाजमा विस्फोट भएपनि मतदान चलिरहेको छ ।
बम जस्तो आवाजमा भएको विस्फोटबाट मतदाता त्रसित भएका थिए । यद्धपि, मतदान प्रक्रिया भने चलिरहेको छ । मतदान केन्द्र बाहिर पटकाको जस्तो आवाज आएको जिल्ला प्रहरी कार्यालय झापाका एसपी विश्वराज पोखरेलले बताए ।
नेपाली सेना, शसस्त्र प्रहरी र नेपाल प्रहरीको उपस्थिति बढाइएको छ भने चेकजाँचलाई कडा बनाइएको छ । कसले विस्फोट गरायो भन्ने विषयमा खुली नसकेको बताइएको छ ।
