ताप्लेजुङ, ११ फागुन । ढुङ्गाले लागेर ताप्लेजुङमा एक जनाको ज्यान गएको छ ।
सिरिजङ्गा गाउँपालिका-२ आम्बेगुदिनमा गोरेटो बाटो बनाउने क्रममा आज दिउँसो माथिबाट झरेको ढुङ्गाले लागेर आम्बेगुदिनकै ५६ वर्षका कर्णबहादुर कुँवरको ज्यान गएको जिल्ला प्रहरी कार्यालय ताप्लेजुङका प्रहरी नायब उपरीक्षक (डीएसपी) राजन लिम्बुले जानकारी दिए ।
ढुङ्गाले लागेर कर्णबहादुरको घटनास्थलमै ज्यान गएको उनले बताए ।
