काठमाडौँ, १ चैत । सुन तोलामा १ हजार ८ सय रुपैयाँले घटेको छ।
सोमबार तोलामा १ लाख २ हजार ३०० रुपैयाँमा कारोबार भएको छापावाल सुन मंगलबार १८ सयले घटेर १ लाख ५०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । तेजाबी सुन तोलामा १ लाख रुपैयाँमा कारोबार भइरहेको छ ।
यस्तै चाँदी आज तोलामा ३५ रुपैया घटेको छ । सोमबार तोलामा १४ सय १५ रुपैयाँमा कारोबार भएको चाँदी मंगलबार घटेर तोलामा १३ सय ८० रुपैयाँमा कारोबार भएको महासंघले जनाएको छ ।
