काठमाडौँ, २ फागुन । त्रिभुवन विश्वविद्यालयको पत्रकारिता तथा आमसञ्चार केन्द्रीय विभागको नवनिर्मित भवनको बुधबार समुद्घाटन गरिएको छ ।
बल्खुमा विभागले आयोजना गरेको एक औपचारिक कार्यक्रममा त्रिविका उपकुलपति प्राध्यापक डा.शिवलाल भुषालले सो भवनको उद्घाटन गरेका हुन् ।
कार्यक्रमलाई सम्बोधन गर्दै उपकुलपति भुषालले पत्रकारिता तथा आमसञ्चारको क्षेत्रमा विशिष्ट किसिमको भवन प्राप्त भएको बताए ।
यस्तै, विभागका प्रमुख प्राध्यापक चिरञ्जीवी खनालले देशमा २०३३ सालदेखि पत्रकारिता शिक्षा सुरुवात भएको र यही विषय पढ्न तथा पढाउने क्रममा यसको आवश्यकता महसुस भएको बताएका हुन् ।
