काठमाण्डाै, ११ फागुन । ऊर्जा, जलस्रोत तथा सिँचाइ मन्त्रालयले दूधकोशी जलविद्युत् आयोजनाका प्रमुख कार्यकारी अधिकृत (सीईओ) विमल गुरुङलाई जिम्मेवारीबाट हटाउन दबाव दिएको छ ।
मन्त्रालयले नेपाल विद्युत् प्राधिकरणका कार्यकारी निर्देशक कुलमान घिसिङलाई पत्र लेख्दै गुरुङलाई हटाउन दबाव दिएको पत्र बाहिरिएको हो । मन्त्रालयका शाखा अधिकृत यज्ञप्रसाद सुवेदीले फागुन ८ गते प्राधिकरणलाई लेख्नुभएको पत्रमा गुरुङले मन्त्रालय र मन्त्रीका बारे सामाजिक सञ्जालमा गैरजिम्मेवार ढङ्गले समाचार सम्प्रेषण गरेको आरोप छ ।
पत्रमा यसअघि नै निर्देशन भएकोमा अझै नहटाएकोले फेरि पत्र पठाएको पनि उल्लेख छ । पत्रमा फागुन ८ गतेको सचिवस्तरको निर्णयानुसार गुरुङलाई हटाउन भनिएको छ ।
