धनकुटा, ८ वैशाख । काठमाडौँबाट संखुवासभाको लागि छुटेको माइक्रोबस आज बिहान धनकुटामा दुर्घटना हुँदा १९ जना घाइते भएका छन् ।
धनकुटा नगरपालिका–९ मूलघाट रुद्रबारी सडकखण्डमा गएराति माइक्रोबस सडकबाट तल खसेर दुर्घटनामा परेको जिल्ला प्रहरी कार्यालय धनकुटाले जनाएको छ।
घाइतेमध्ये ९ जनाको धरानस्थित बीपी कोइराला स्वास्थ्य विज्ञान प्रतिष्ठानमा उपचार भइरहेको एसपी श्यामसिंह चौधरीले जानकारी दिनुभयो ।
सामान्य घाइतेको स्थानीय अस्पतालमा उपचार भइरहेको एसपी चौधरीले वताउनु भयो ।
दुर्घटनापछि माइक्रोबसका चालक भक्तपुर सूर्यबिनायकका ४६ वर्षीय हरिशरण आलेमगरलाई प्रहरीले नियन्त्रणमा लिएको छ।
घटनास्थलमा जिल्ला प्रहरी कार्यालय धनकुटाका प्रहरी निरीक्षक अनिलकुमार शाहको नेतृत्वमा प्रहरी टोली घाइतेको उद्धारमा खटिएको छ।
