मेचीनगर, १९ चैत । धुलाबारी खानेपानी उपभोक्ता समितिको अध्यक्षमा लोकतान्त्रिक प्यानलका धनकाजी खत्री दाहाल निर्वाचित भएका छन् ।
आज सम्पन्न मतगणनामा कांग्रेससहितको लोकतान्त्रिक प्यानलका खत्रीले १३४९ मत ल्याएर अध्यक्षमा विजयी भएका हुन् ।
उनका प्रतिस्पर्धीहरु संयुक्त प्रगतिशिल प्यानलका अध्यक्ष रचिन्द्र श्रेष्ठले ८३२ र रास्वपाका उम्मेदवार सन्तोष राजवंशीले ४४७ मत प्राप्त गरेको निर्वाचन समितिका संयोजक असोककुमार पोखरेलले जानकारी दिए ।
त्यसैगरी लोकतान्त्रिक प्यानलबाट उपाध्यक्ष पदमा हिमालय आङ्देम्बले १३५० मत ल्याएर निर्वाचित भएका छन् । उनका प्रतिस्पर्धीहरु संयुक्त प्रगतिशिल प्यानलबाट लक्ष्मी श्रेष्ठले ८३२ र रास्वपाबाट उपाध्यक्षमा प्रकाश श्रेष्ठले ३३६ मत मात्र प्राप्त गरेका हुन् ।
त्यस्तै लोकतान्त्रिक प्यानलबाट सचिव पदमा उमानाथ (उमेश) सुवेदीले ११०३ मत ल्याएर विजयी भएका छन् । उनका प्रतिस्पर्धीहरु संयुक्त प्रगतिशिल प्यानलका उमेश डाँगीले १०२१ र रास्वपाका ओमनाथ घिमिरेले ३९० मत प्राप्त गरेको निर्वाचन समितिले जनाएको छ ।
त्यसैगरी खुल्ला सदस्य निर्वाचित हुनेमा कांग्रेसका कबिन्द्र श्रेष्ठ(१२०९), केदार खत्री(११९७), सराेज खड्का (१०२५), नारायण भट्टराई (१०२७), ज्ञानबहादुर बिष्ट (९५३) र जसपाका अमर लिम्बु (१०२६) रहेका छन् ।
त्यस्तै महिला सदस्यतर्फ नेपाली कांग्रेसका धनमाया गाैतम पाेखरेल (१३०५) र लिलादेवि गाैतम (९२०) मत ल्याएर विजयी भएका हुन् ।
