मेचीनगर, २३ चैत । धुलाबारी जेसीजको वार्षिक उत्सवको अवसर पारेर बुधबार विभिन्न विधाका व्यक्तित्वहरुलाई सम्मान गरिएको छ ।
धुलाबारी जेसीजका अध्यक्ष योगेश राजबंशीको सभापतित्वमा सम्पन्न वार्षिक उत्सव कार्यक्रमका बिच शिक्षा सेवीका रुपमा मुरारीस्मृति अक्षयकोषबाट बिर्तामोड निवासी शिक्षा सेवी लेखनाथ भट्टराईलाई सम्मान गरिएको थियो ।
त्यस्तै लोकनाथ भण्डारी स्मृति अक्षयकोषबाट उत्कृष्ट युवाको रुपमा मेचीनगर-२ का युवा सचिन निरौलालाई सम्मान गरिएको छ ।
त्यसैगरी उत्कृष्ट खेलाडीका रुपमा धुलाबारी निवासी तथा नेपाली राष्ट्रिय फुटबल टिमका खेलाडी पुजन उपरकोटीलाई सम्मान गरिएको थियो भने उत्कृष्ट कृषी व्यवसायीका रुपमा मेचीनगर-१२ धाइजनस्थीत ऋतिका डेरी उद्योगका सञ्चालक राजन चिमरियालाई सम्मानित गरिएको छ ।
कार्यक्रमकै बिच विभिन्न कक्षामा उत्कृष्ट अंक ल्याउने विद्यार्थीहरुलाई पनि सम्मान गरिएको थियो । धुलाबारी माविकी सितल आचार्य, आदर्श मावि इटाभट्टाकी दिक्षा पौडेल, कविशिरोमणी मावि धुलाबारीका महिन राजबंशी, देबी मावि बिर्तामोडकी इच्छा धमला र काँकरभिट्टा माविका समिर फुयललाई सम्मान गरिएको थियो ।
सम्मानित सबैलाई नगद र सम्मान पत्र तथा दोसल्ला ओडाएर कार्यक्रमकी प्रमुख अतिथि नेपाल जेसीजकी कार्यकारीणी उपाध्यक्ष रश्मी बस्नेत र विषेश अतिथि जिल्ला शिक्षा तथा समन्वय इकाई झापाका प्रमुख राजकुमार विकले सम्मान गरेका थिए ।
उक्त अवसरमा कार्यक्रमका प्रमुख अतिथि बस्नेत, विषेश अतिथि विक, पुर्व अध्यक्ष तेजप्रसाद चौलागाई लगायतले शुभकामना मन्तव्य राखेका थिए ।
धुलाबारी जेसीजका उपाध्यक्ष सुलभ भण्डारीले जेसीज आस्था वाचन गरेको कार्यक्रमको सञ्चालन महासचिव मनोज ढकालले गरेका थिए ।
