काठमाडौँ, ३१ वैशाख । नक्कली भूटानी शरणार्थी प्रकरणका आरोपी नेकपा एमालेका निलम्बित सचिव टोपबहादुर रायमाझीलाई प्रहरीले बूढानीलकण्ठबाट पक्राउ गरेको छ ।
शरणार्थी प्रकरणमा पक्राउ परेका ललितपुरका सानु भण्डारीको बयानका आधारमा रायमाझीको संलग्नता खुलेको हो । जिल्ला अदालत काठमाडौँबाट पक्राउ पुर्जी जारी भएपछि उनी अर्घाखाँचीबाट फरार भएका थिए । प्रहरीलाई काठमाडौँ आउने जानकारी दिएर बीचबाटै फरार भएका थिए ।
