काठमाडौँ, १ बैशाख । निर्वाचन आयोगले पालिका निर्वाचनका सम्बन्धमा शङ्का व्यक्त गर्ने अभिव्यक्तिहरू नदिन राजनीतिक दलका नेता एवम् कार्यकर्तालाई आग्रह गरेको छ ।
बिहीवार आयोगको नियमित पत्रकार सम्मेलनमा बोल्दै आयोगका प्रवक्ता शालिग्राम शर्मा पौडेलले पालिका निर्वाचनका सम्बन्धमा शङ्का व्यक्त गर्ने अभिव्यक्तिहरू नदिन राजनीतिक दलका नेता एवम् कार्यकर्तालाई आग्रह गरेका हुन् ।
पत्रकार सम्मेलनमा प्रवक्ता पौडेलले निर्धारित समयमै पालिका निर्वाचन गर्न तयारी अन्तिम चरणमा पुगेको अवस्थामा निर्वाचन बारे शङ्का व्यक्त गर्ने अभिव्यक्तिहरूप्रति आयोगको ध्यानाकर्षण भएको बताए ।
उनले भने, ‘निर्धारित समयमै पालिका निर्वाचन गर्न तयारी अन्तिम चरणमा पुगेको छ । निर्वाचनबारे संशय व्यक्त गर्ने अभिव्यक्तिहरू राजनीतिक दलका नेता एवम् कार्यकर्ताबाट आएको अभिव्यक्तिप्रति आयोगको ध्यानाकर्षण भएको छ । निर्वाचन बारे अलमल सिर्जना गर्ने किसिमका अभिव्यक्ति नदिनु हुन सरोकारवाला सबैलाई आयोग आग्रह गर्दछ ।
