काठमाडौं, २२ असोज । क्यानडामा रहेको नेपाली क्रिकेट टिमले क्यानडा एचपीसँगको अभ्यास खेलको सिरिज जितेको छ ।
गएराति सम्पन्न खेलमा नेपालले क्यानडा एचपीलाई १० रनले पराजित गर्दै खेलको सिरिज जितेको हो ।
तेस्रो तथा अन्तिम खेलमा नेपालले दिएको १८८ रनको लक्ष्य पछ्याएको क्यानडा एचपीले ४४.५ ओभरमा अल आउट हुँदै १७७ रन बनाएको थियो ।
अब नेपालले अक्टोबर २५ देखि अमेरिकामा सुरु हुने अमेरिका र स्कटल्यान्डसहितको लिग–२ को त्रिकोणात्मक सिरिज खेल्ने तयारी गरिरहेको छ ।
