काठमाडौँ, २८ साउन । नेपाली राष्ट्रिय क्रिकेट टोलीले केन्यासँग ५ खेलको टी-२० र ३ खेलको एकदिवसीय शृङ्खलाको तालिका सार्वजनिक भएको छ ।
नेपाल र केन्याबीच सुरुमा ५ खेलको टी-२० र त्यसपछि एकदिवसीय खेल हुनेछ ।
शृङ्खलाका लागि नेपाली टोली भदौ ७ मा केन्या पुग्ने तालिका रहेको छ । ५ खेलको टी-२० शृङ्खला भदौ ९ गतेदेखि १४ गतेसम्म हुनेछ । त्यस्तै ३ खेलको एकदिवसीय शृङ्खला भदौ १७ देखि २० गतेसम्म हुनेछ । यी खेल नैरोबीमा रहेको जिमखाना मैदानमा हुनेछन् ।
