किर्गिस्तान, १० असार । किर्गिस्तानमा भइरहेको सेन्ट्रल एसियन भलिबल (काभा) पुरुष भलिबल नेसन्स लिग प्रतियोगिताको अन्तिम खेलमा नेपाल उज्वेकिस्तानसँग पराजित भएको छ ।
बिस्केकको स्पोर्ट्स एन्ड रिक्रिएसन कम्प्लेक्समा आज आइतवार भएको खेलमा उज्वेकिस्तानले नेपाललाई ३-० को सोझो सेटमा हराएको हो । उज्वेकिस्तानले नेपाललाई पहिलो सेटमा २५-२१, दोस्रो सेटमा २५-२२ र तेस्रो सेटमा २५-२३ ले हराएको हो ।
प्रतियोगितामा नेपालको यो लगातार छैटौँ हार हो । यसअघि भएको पहिलो खेलमा नेपाल मङ्गोलियासँग पराजित भएको थियो भने दोस्रो खेलमा आयोजक किर्गिस्तानसँग पराजित भएको थियो ।
