कुवेत, २९ जेठ । एएफसी एसियन कप छनोटमा नेपाल कुवेतसँग ४-१ गोलले पराजित भएको छ ।
गएराति कुवेतको जाबिर अल अहमद मैदानमा भएको खेलमा नेपाल आयोजक कुवेतसँग ४-१ गोलले पराजित भएको हो ।
घरेलु टोलीका युसेफ अलसुलिमानले दुई गोल गरे । यस्तै, फाहद अल्रेशिदी र मोबारक अल्फानिनीले एक-एक गोल गरेका थिए ।
नेपालका दर्शन गुरुङले एक गोल फर्काए । नेपालको लगातार यो दोस्रो हार हो । यसअघि पहिलो खेलमा नेपाल जोर्डनसँग २-० ले पराजित भएको थियो ।
