काठमाडौँ, ३० असार । सातौँ प्रधानमन्त्री कप एनभीए भलिबल क्लब लिगको पुरुषतर्फको उपाधि हेल्प नेपाल क्लबले जितेको छ ।
राष्ट्रिय खेलकुद परिषद्को कभर्ड हल त्रिपुरेश्वरमा भएको खेलमा नेपाल पुलिस क्लबलाई ३-१ को सेटमा हराउँदै हेल्प नेपाल च्याम्पियन बनेको हो ।
हेल्प नेपालले पुलिसविरुद्ध २५-१९,११-२५,२५-१८ र चौथो सेट २५-१८ मा जित निकालेको हो । हेल्प नेपालको जितमा पाकिस्तानी खेलाडी माजहर अली नायक बनेका हुन् ।
