मेचीनगर, १ भदौ । नेपाल विद्यार्थी संघ मेचीनगर नगर समितिले आयोजना गरेको टिकटक प्रतियोगिताका विजेताहरुलाई बुधबार सम्मान तथा पुरस्कार वितरण गरिएको छ ।
नेविसंघ नगर सभापति रोशन खड्काको सभापतित्वमा भएको पुरस्कार वितरण कार्यक्रमको प्रमुख अतिथि नेपाली कांग्रेस झापा क्षेत्र नं.१ का क्षेत्रीय सभापति इन्द्रबहादर बुढाथोकी रहेका थिए ।
उक्त टिकटक प्रतियोगिताका प्रथम कबु राजबंशी, द्वितिय बरदान खड्का र तृतीय सुजित ढुंगानालाई क्रमश: ७०००, ५००० र ३००० साथै सान्त्वना पुरस्कार विजेता आकृती पौडेललाई प्रमाणपत्र, पुस्तक र सेल्फी स्टिकसहित सम्मान गरिएको नेबिसंघ मेचीनगरका सहसचिव शैलेश गौतमले जानकारी दिए ।
सो अवसरमा कार्यक्रमका प्रमुख अतिथि बुढाथोकी, नगर सभापति सुदय पनेरु लगायतले शुभकामना मन्तव्य राखेका थिए ।
उक्त पुरस्कार वितरण कार्यक्रमको सञ्चालन प्रज्वल कार्कीले गरेका थिए ।
