मेचीनगर, २३ साउन । नेपाल विद्यार्थी संघ मेचीनगर नगर समितीले झापा क्षेत्र नं.१ का विद्यालयबाट एसईई उत्तीर्ण विद्यार्थीहरुलाई सम्मान तथा सांस्कृतिक कार्यक्रम सम्पन्न गरेको छ ।
नेबिसंघ मेचीनगर सभापती रोशन खड्काको सभापतित्वमा भएको कार्यक्रमको प्रमुख अतिथि नेपाली काँग्रेसका महामन्त्री विश्वप्रकाश शर्मा रहेका थिए ।
यसैबीच सोही अवसरमा एसईई उत्तीर्ण विद्यार्थीहरुबीच खुला ‘टिकटक प्रतियोगिता’ समेत सम्पन्न भएको छ ।
उक्त प्रतियोगितामा सय जनाभन्दा बढी विद्यार्थीहरुको सहभागिता रहेको नेबिसंघ मेचीनगरका सह-सचिव शैलेश गौतमले जानकारी दिए । उक्त प्रतियोेगिताकोे नतिजा आगामी साउन २७ गते बेलुकी ४ बजे प्रकाशन गरिने गौतमले बताए ।
त्यसैगरी सोही अवसरमा एसईई ग्रेड वृद्धिमा सहभागी बन्ने विद्यार्थीहरुका निमित्त नि:शुल्क अतिरिक्त कक्षा सञ्चालन गरिने समेत घोषणा गरिएको थियो ।
उक्त कार्यक्रममा अखिल नेपाल फुटबल संघ (एन्फा) का नवनिर्वाचित अध्यक्ष पंकज विक्रम नेम्बाङलाई बधाई तथा सम्मान समेत गरिएको थियो ।
उक्त कार्यक्रमको सञ्चालन सञ्चारकर्मी प्रनित पुडासैनी र साक्षी ओझाले संयुक्तरुपमा गरेका थिए ।
