काठमाडौं, १० भाद्र । इङ्ग्लिस प्रिमियर लिग (ईपीएल) फुटबलमा लिभरपुलले न्युक्यासललाई हराएको छ । गएराति सेन्ट जेम्स पार्कमा भएको खेलमा लिभरपुलले घरेलु टोली न्युक्यासललाई ३–२ गोलको अन्तरले हरायो ।
लिभरपुलको जीतमा रायन ग्रेभेनबर्च, ह्युगो एकिटिके र रियो न्गुमोहाले १÷१ गोल गरे । न्युक्यासलका ब्रुनो गुइमाराइस र विलियम ओसुलाले १÷१ गोल फर्काए ।
ईपीएलमा लिभरपुलको यो लगातार दोस्रो जीत हो । लिभरपुर २ खेलमा ६ अङ्कसहित तालिकाको तेस्रो स्थानमा छ । न्युक्यासल २ खेलमा १ अङ्कसहित तालिकाको १५औं स्थानमा छ ।
ईपीएल तालिकामा आर्सनल शीर्ष र टोटनहम हट्सपुर दोस्रो स्थानमा छन् ।