काठमाडौँ, १३ साउन । परराष्ट्रमन्त्री डा.नारायण खड्कासँग संयुक्त राज्य अमेरिकाका दक्षिण तथा मध्य एसिया मामिलाका सहायक विदेशमन्त्री डोनाल्ड लुले भेटवार्ता गरेका छन् ।
मन्त्रालयमा शुक्रवार भएको भेटमा उनीहरूबीच द्विपक्षीय आर्थिक र विकास सहयोग, खाद्य सुरक्षा, कोभिड-१९ विरुद्धको खोपलगायत सहयोगका विविध विषयमा छलफल भएको मन्त्रालयले जनाएको छ ।
बिहीवार बेलुकी नेपाल आएका सहायक विदेशमन्त्री लुले यसअघि पनि गएको मङ्सिरमा नेपालको भ्रमण गरिसकेका छन् ।
