चितवन, १ असार । पहिराेका कारण बन्द भएको पृथ्वी राजमार्ग सञ्चालनमा आएको छ ।
वर्षासँगै चितवनको इच्छाकामना-४ घोप्टेभिरमा दिउँसो २ बजे पहिरो खसेपछि राजमार्ग दुईतर्फी बन्द भएकाे थियाे ।
अहिले पहिरो पन्छाएर सडक दुईतर्फी सञ्चालन गरिएको जिल्ला प्रहरी कार्यालय चितवनले जनाएको छ । पहिरो पन्छाउनका लागि प्रहरी कार्यालयले सडक विभागसँग समन्वय गरेकाे थियाे ।
बर्खा लागेसँगै यस ठाउँमा पटक-पटक पहिरो खसेर सडक बन्द हुँदै आएकाे छ । जसका कारण यात्रुले सास्ती बेहाेर्दै आउनुपरेकाे छ ।
