काठमाडौं, १३ भदौ । शुक्रबार सुनको मूल्य तोलामा २ लाख रुपैयाँ नाघेको छ । स्थानीय बजारमा शुक्रबार सुनको मूल्य एक हजार दुई सय रुपैयाँले बृद्धि भएसँगै सुनको मूल्यले नयाँ रेकर्ड कायम गरेको छ ।
विहीबार प्रति तोला एक लाख ९९ हजार ४ सय रुपैयाँमा कारोबार भएको सुन शुक्रबार १ हजार २ सय रुपैयाँले बढेसँगै २ लाख ६ सय रुपैयाँ पुगेको हो ।
त्यस्तै चाँदीको मूल्य पनि प्रति तोला पाँच रुपैयाँ बढेको छ । विहीबार प्रतितोला २ हजार ३ सय ५५ रुपैयाँमा कारोबार भएकोमा चाँदी शुक्रबार ५ रुपैयाँले बढेर २ हजार ३ सय ६० रुपैयाँ पुगेको छ ।
