विराटनगर, १२ पुस । प्रदेश नं १ का प्रदेश प्रमुख परशुराम खापुङले प्रदेशसभाको प्रथम अधिवेशन आव्हान गरेका छन् ।
प्रदेश सरकार, मन्त्रिपरिषद्को पुस ११ गतेको सिफारिसमा माननीय प्रदेश प्रमुखज्यूले नेपालको संविधानको धारा १८३ को उपधारा (१) बमोजिम प्रदेशसभाको आव्हान गरेका हुन् ।
प्रमुखले प्रदेश सभाको प्रथम अधिवेशन पुस १७ गते आइतबार दिनको १ बजेको लागि आव्हान गरेको प्रदेश प्रमुखको कार्यालयले जनाएको छ ।
