Logo

प्रधानमन्त्री ओली र रुसका राष्ट्रपति पुटिनबीच भेटवार्ता



काठमाडौं, १७ भदौ । साङ्घाइ सहयोग संगठन (एससीओ)को शिखर सम्मेलनका लागि चीनको थियानचिनमा रहेका प्रधानमन्त्री केपी शर्मा ओली र रुसी महासङ्घका राष्ट्रपति भ्लादिमीर पुटिनबीच भेटवार्ता भएको छ ।

पाँच दिने चीन भ्रमणमा रहेका प्रधानमन्त्री ओलीले सोमबार रुसका राष्ट्रपति पुटिनसँग द्विपक्षीय भेटवार्ता गर्नुभएको हो । प्रधानमन्त्रीको सचिवालयका अनुसार भेटमा द्विपक्षीय सम्बन्ध र हितका विषयमा कुराकानी भएको छ ।

थियानचिनस्थित मेइक्याङ सम्मेलन केन्द्रमा भएको भेटवार्ता करिब आधा घण्टा चलेको थियो । शनिबार चीन पुगेका प्रधानमन्त्री ओलीले राष्ट्रपति सी जिङपिङसँग भेटवार्तासमेत गर्नुभएको थियो। उहाले चीन र भारतबीच लिपुलेकमा भएको सम्झौताका विषय पनि उठान गर्नुभएको थियो ।

ओलीले आइतबार भियतनामका प्रधानमन्त्री फाम मिन चिङसँग भेटवार्ता गर्नुभएको थियो ।

प्रतिक्रिया दिनुहोस्