बिर्तामोड, ११ साउन । बिर्तामोडमा कौशी तरकारी खेती तालिम सम्पन्न भएको छ ।
वडा नम्बर १ को कार्यालयमा सोमबारदेखि आयोजना गरिएको दुई दिने तालिम मंगलबार सम्पन्न भएको हो ।
बिर्तामोड नगरपालिकाको आर्थिक तथा प्राविधिक सहयोगमा महिला उद्यमी संघ नेपालले आयोजना गरेको तालिममा वडा नम्बर १ का विभिन्न टोल विकास समितिहरुबाट ३० जनाले सहभागिता जनाएका थिए ।
सहभागिहरुलाई पट, बक्स तथा ग्रो व्यागको तयारी, विरुवा रोप्ने तरिका, कौशी खेतीका लागि आवश्यक सामाग्री, प्रयोग गर्ने विधि, विरुवाको हेरचाह, मल खाद दिने तरिका, काटछाँट गर्ने तरिका लगायतका बारेमा जानकारी गराइएको आयोजक संस्थाकि अध्यक्ष नैनकला भट्टराईले जानकारी दिइन् ।
उक्त तालिममा सहभागिहरुलाई हजारी ३० थान, ग्रो व्याग ७० थान, निमको विषादी ३० थान, फेरोमिन ट्रयाक ३० थान, पहेलो पासो ३० थान, सिड ट्रे, स्प्रे र गड्यौला मल १० किलोका दरले प्रदान गरीएको छ ।
सो तालिमको सहजीकरण बिर्तामोड नगरपालिकाका कृषि शाखा प्रमुख राजेन्द्र प्रसाद कडरिया, कृषि प्राविधिक अनु मोते, सुजित शाह र विषय विज्ञ विमल तामाङ्गले गरेका थिए ।
उक्त तालिम समापन कार्यक्रममा वडा नम्बर १ का वडाध्यक्ष अग्निप्रसाद पाण्डे, महिला उद्यमी संघ नेपालकि संस्थापक अध्यक्ष गोमा भट्टराई, वर्तमान अध्यक्ष नैनकला भट्टराई लगायतले आ-आफना धारणा राखेका थिए ।
