धरान, ३० फागुन । झापाको काँकरभिट्टा फुटबल ट्रेनिङ सेन्टर सुनसरीको धरानमा जारी २४आँै बुढासुब्बा गोल्डकप फुटबल प्रतियोगिताको सेमिफाइनलमा प्रवेश गरेको छ । काँकरभिट्टा फुटबल ट्रेनिङ सेन्टरले चर्च ब्वाइज युनियनलाई १–० गोलअन्तरले हराउँदै सेमिफाइनलमा स्थान बनाएको हो ।
धरान रङ्गशालामा मंगलवार भएको अन्तिम क्वाटरफाइनल खेलमा काँकरभिट्टा फुटबल ट्रेनिङ सेन्टरका आशिष चापागार्इँले निर्णायक गोल गरेका थिए । उनले खेलको ४४आँै मिनेटमा गोल गरेका थिए ।
काँकरभिट्टा फुटबल ट्रेनिङ सेन्टरले फाइनल यात्राका लागि बिहीवार एनआरटी क्लब काठमाडौँसँग प्रतिष्पर्धा गर्ने छ । खेलको म्यान अफ दी म्याच काँकरभिट्टा फुटबल ट्रेनिङ सेन्टरका विशाल घलान घोषित भइ रु १० हजार पुरस्कार प्राप्त गरे ।
बुधबार पहिलो सेमिफाइनल खेल आयोजक धरान फुटबल क्लब र मोरङ फुटबल एशोसिएसनबीच हुने आयोजकले जनाएको छ ।
