बाजुरा, २५ असार । बाजुराको बुढीगंगा नगरपालिकामा एमालेले अग्रता बढाउँदै लगेको छ । अहिले वडा नम्बर ३ र ८ को मत गणना भइरहेको छ ।
पछिल्लो विवरणअनुसार ४ हजार ३६२ मत गणना हुँदा मेयरमा एमालेका रामबहादुर बानियाँले २ हजार ६९० मत ल्याएका छन् । उनलाई पछ्याइरहेका कांग्रेसका रंगबहादुर खातीले १ हजार ४२५ मत मात्र ल्याएका छन् । उनीहरूबीच १ हजार २६५ मतको फरक छ ।
त्यस्तै, उपमेयरमा एमालेकी मायाकुमारी खड्काले २ हजार ६४५ ल्याएकी छन् । कांग्रेसकी रिता शाहले १ हजार ४६८ मत ल्याएकी छन् । एमालेकी खड्का १ हजार १७७ मतले अगाडि छन् ।
