बेलायत, ३ साउन । इङ्ल्यान्डका अलराउन्डर बेन स्टोक्सले एक दिवसीय अन्तर्राष्ट्रिय क्रिकेटबाट सन्यास लिने घोषणा गरेका छन् ।
इङ्ल्यान्ड एन्ड वेल्स क्रिकेट बोर्डले स्टोक्सले एक दिवसीय अन्तर्राष्ट्रियबाट सन्यास लिने घोषणा गरेको जनाएको छ ।
३१ वर्षीय स्टोक्सले घरेलु मैदानमा आज दक्षिण अफ्रिकासँग पहिलो एक दिवसीय खेल्दै औपचारिक रुपमा सन्यास लिने भएका छन् ।
स्टोक्सले इङ्ल्यान्डका लागि १ सय ४ एक दिवसीय अन्तर्राष्ट्रिय खेल खेलेका छन् । सन् २०१९ मा इङ्ल्यान्डले घरेलु मैदानमा भएको आईसीसी एक दिवसीय विश्व कप क्रिकेटको उपाधि नै जितेको थियो ।
