काठमाडौं, २ भाद्र । विश्वकै सर्वाधिक पुरस्कार राशी रहेको नेपाली रियालिटी शोको फाइनल सिक्समा पुग्न सफल जुनु प्रसाईलाई झापाको बिर्तामोड-७ मा अवस्थित बेल्स मेडल स्कुलले स्वागत सममान गरेको छ ।
बिद्यालयका अभ्यक्ष जय कुमार प्रसाई र प्रिन्सिपल तारा कुुमार प्रसाईले अन्तराष्ट्रिय गायन प्रतियोगिता मेरो भ्वाइस युनिभर्स सिजन-२ को फाइनलमा पुग्न सफल जुनु प्रसाईलाई स्वागत सम्मान गर्नुभएको हो ।
रियालिटी शोको फाइनल सिक्समा पुग्न सफल जुनुु प्रसाईले सो क्रममा आफ्ना केही प्रस्तुती राख्दै भोटमार्फत सहयोग समर्थन गर्न आग्रह गर्नुभयो। बिद्यालयका तर्फबाट सस्थापक जय कुमार प्रसाईले दुई हजार भोटको लागि जुनु प्रसाईलाई सहयोग रकम हस्तान्तरण गर्नुभएको थियो ।
बिद्यालयका प्रिन्सपल तारा कुमार प्रसाईले जुनुलाई जिताउन सक्दो सहयोग गर्ने र बिद्यार्थी र अभिभाबकलाई समेत यो अभियानमा जोडीन अपिल गर्नुभयो ।
प्रसाई ट्र्ष्टका केन्द्रिय अध्यक्ष टिका प्रसाई, केन्द्रय सदस्य रमेश प्रसाई, पत्रकार रञ्जित प्रसाई समेतको सहभागीता रहेको कार्यक्रमको संचालन बिद्यालयका कोअर्डिनेटर देवन ढुंगानाले गर्नुभएको थियो ।
ताप्लेजुङको हाम्पाङमा जन्मिएकी र तेह्रथुमको ह्वाकूमा हुर्केकी जूनु प्रसाई महिलाहरुको प्रतिनिधित्व गर्दै विश्वकै सर्वाधिक पुरस्कार राशी रहेको नेपाली रियालिटी शोको फाइनल सिक्समा पुग्न सफल भएकी छन् ।
‘मेरो भ्वाइस युनिभर्स सिजन २’ नेपाल टेलिभिजनबाट प्रसारित अन्तर्राष्ट्रिय नेपाली गायन रियालिटी शो हो, जसको आयोजना इन्ट्रा नेसनल वेलफेयर एन्ड सपोर्ट फाउन्डेसनले गरेको हो।
२३ देशका नेपाली मूलका प्रतिभाशाली गायक–गायिकाहरूको सहभागितामा भएको यस प्रतियोगितामा अडिसन राउण्ड विश्वका १३ मुलुकमा सम्पन्न भएको थियो। कतार अडिसनमार्फत छनोट भएकी जुनु अहिले फाइनलमा प्रवेश गर्ने एक मात्र महिला प्रतिस्पर्धी हुन ।
जुनुको अपिल
“नमस्कार, सेवा/सेवारो,
म हजुरहरुकै छोरी/चेली जुनु प्रसाई । तपाईंहरूको माया, साथ, सहयोग र हौसलाले ‘मेरो भ्वाइस युनिभर्स सिजन-२’ को फाइनलमा पुगेकी छु । यहाँसम्मको यात्रामा साथ दिनुहुने सबैजना प्रति हार्दिक आभार व्यक्त गर्दछु । अझै केही सिँढी चढ्न बाँकी छ । मिहिनेत र संघर्षपछि बल्ल मेरा सपना उडान भर्न थालेका छन् । फाइनलसम्मको यात्रामा तपाईंहरूको अझ धेरै साथ, सहयोग र माया अपेक्षा गर्दछु ।”
भोट गर्ने तरिका
मोबाइलको म्यासेज बक्समा गएर MVU 06 टाइप गरी 37000 मा पठाउनुहोस्, वा
My Intra एप डाउनलोड गरी जुनुको प्रोफाइलमा क्लिक गरेर भोट गर्न सक्नुहुन्छ ।
