काठमाडौं, ६ कार्तिक । भिस्तारा एयरको जहाजमा बम राखिएको सूचना हल्ला मात्रै भएको पाइएको छ ।
आज दिल्लीबाट काठमाडौँस्थित त्रिभुवन अन्तर्राष्ट्रिय विमानस्थलमा अवतरण गरेको भिस्तारा एयरको विमानमा बम रहेको भन्दै भारतबाटै सूचना आएको थियो ।
सूचनापछि नेपाल प्रहरी र नेपाली सेनाको टोलीले कुकुरसहितको प्रयोग गरी खोजी गरेको थियो । विमानमा रहेका १५७ यात्रुलाई उतारेर चेकजाँच गरिएको थियो ।
सर्च भने अझै जारी छ । पूरा सर्च सकिन ६ घण्टा लाग्ने बताइएको छ ।
