काठमाडौँ, ७ जेठ । नेकपा एमालेका अध्यक्ष केपी शर्मा ओलीले भ्रष्टाचारको विषयमा छानबिन गर्न चुनौती दिएका छन् ।
आइतबार प्रतिनिधिसभामा आर्थिक वर्ष ०८०/०८१ को नीति तथा कार्यक्रममाथि बोल्दै पूर्वप्रधानमन्त्रीसमेत रहेका अध्यक्ष ओलीले आफूहरू भ्रष्टाचार विरुद्धमा रहेको बताउँदै निष्पक्ष छानबिन गर्न चुनौती दिएका हुन् ।
‘एमाले र केपी ओलीलाई गाली गर्न रहर लागेको छ । रहर गर्नु मात्रै हुँदैन रहेछ, पार लाग्दैन । म गृहमन्त्री, परराष्ट्रमन्त्री र पटकपटक प्रधानमन्त्री भएँ । छानबिन होस् । हामी सँधै भ्रष्टाचारको विरुद्धमा छौं,’ उनले भने ।
अध्यक्ष अोलीले नक्कली भुटानी शरणार्थी प्रकरणमा निष्पक्ष छानबिन हुनेमा आशंका व्यक्त गरेका छन् । उनले अहिले निर्दोष फसाउन प्रयास भइरहेको बताउँदै खबरदारी गरेका छन् ।
‘भ्रष्टाचारको छानबिन होस् । कोही पनि दोषी कोही पनि नछुटोस् । तर, अहिले निर्दोष फसाउन प्रयास भइरहेको छ। म खबरदारी गर्न चाहन्छु । दोषी उम्काउने निर्दोष उम्काउने। यस्ता प्रयास नगर्दा हुन्छ । भोलि यो कुरा अझ भयावह रूपमा निस्किन्छ। आगो छोप्न सकिन्छ धुवाँ छोप्न सकिन्छ सकिँदैन,’ उनले भने ।
