बिर्तामोड, २२ कार्तिक । बिर्तामोडस्थित मनकामना माध्यमिक विद्यालयले हिन्दुहरुको महान चाड शुभ दिपावालीको अवसर पारेर रंगोली तथा देउसी भैलो कार्यक्रम गरेको छ ।
विद्यालयमा हरेक बर्ष झैँ यस बर्ष पनि कक्षा १ देखि ५ सम्मका विद्यार्थी साथै कक्षा शिक्षकको उपस्थितिमा बुधबार उक्त कार्यक्रम सम्पन्न गरेको हो ।
विद्यार्थीलाई चाडपर्वको महत्व बुझाउने तथा रंगहरुको पर्वमा रंगसँगै व्यवहारिक ज्ञान दिने उद्देश्यले उक्त कार्यक्रमको आयोजना गरिएको विद्यालयका शिक्षक सुजन कठेतले जानकारी दिए ।
त्यस्तै उक्त अवसरमा कक्षा नर्सरी, एल केजि र युकेजीका शिक्षकको सहायतामा सेलरोटी तथा रंगोली तयार गरिएको थियो भने विभिन्न कक्षाका विद्यार्थीहरुले देउसी भैलो खेलेका थिए ।
सो कार्यक्रममा विद्यालयका प्रधानाध्यापक केशव ढुङ्गाना र सहायक प्रधानाध्यापक ध्रुवकुमार गौतमले शुभकामना मन्तव्य राखेका थिए ।
