काठमाडौँ, २२ चैत । प्रतिनिधिसभाअन्तर्गतको शिक्षा, स्वास्थ्य तथा सूचना प्रविधि समितिको बिहीबारको बैठक स्थगित गरिएको छ ।
शिक्षामन्त्री सुमना श्रेष्ठ अनुपस्थित भएपछि बैठक स्थगित गरिएको हो ।
विद्यालय शिक्षा विधेयकमा संशोधन गर्न बसेको बैठक करिब आधा घण्टा सञ्चालन गरेर स्थगित गरियो । दुई संशोधनकर्ताले बोलेपछि सांसद एवं संशोधनकर्ताले मन्त्री नआएको भन्दै बैठक स्थगित गर्न माग गरेका थिए ।
त्यसपछि समिति सभापति अम्बरबहादुर थापाले शिक्षामन्त्री मन्त्रिपरिषद्को बैठकमा व्यस्त रहेको जानकारी गराउँदै स्थगितको घोषणा गरेका थिए ।
