काठमाडौँ, ६ साउन । राष्ट्रिय महिला टोलीको प्रशिक्षकमा कुमार थापा नियुक्त भएका छन् ।
अखिल नेपाल फुटबल महासङ्घ (एन्फा)ले काठमाडौँमै आयोजना हुन लागेको महिला साफ च्याम्पियनशिप फुटबलका लागि शुक्रवार थापालाई मुख्य प्रशिक्षकमा नियुक्त गरेको हो ।
काठमाडौँमा भदौ २१ देखि असोज ३ गतेसम्म साफ च्याम्पियनशिप हुँदैछ । आज जिम्मेवारी पाएका थापाले यसअघि पनि महिला टोलीको प्रशिक्षण सम्हालिसकेका छन् । महिला फुटबल सङ्घकी पूर्वअध्यक्ष बिन्द्रा देवानलाई टिम व्यवस्थापक जिम्मेवारी दिइएको एन्फाले निकालेको सूचनामा उल्लेख छ ।
