काठमाडौँ, २१ असोज । नेकपा (माओवादी केन्द्र)को पदाधिकारी बैठक सकिएको छ ।
साँझ ६ बजे सुरु भएको बैठक भर्खरै सकिएको हो ।
दिउँसो ३ बजे पार्टी केन्द्रीय कार्यालय पेरिसडाँडामा बस्ने भनिएको बैठक तीन घण्टा ढिला सुरु भएको थियो ।
उक्त बैठकमा आगामी निर्वाचनका लागि प्रत्यक्षतर्फको उमेदवारबारे छलफल भएको एक पदाधिकारीले जानकारी दिए । उनका अनुसार गठबन्धनमा भइरहेको छलफलबारे पनि प्रचण्डले ‘ब्रिफिङ’ गरेका थिए ।
मंसिर ४ गते हुने निर्वाचनका लागि असोज २३ गते प्रत्यक्षतर्फको उमेदवारी मनोनयन गर्नुपर्ने निर्वाचन कार्यतालिका छ । गठबन्धनमा सिट बाँडफाँटबारे अझै सहमति भएको छैन् ।
