युक्रेन, २३ जेठ । युक्रेनको रुस नियन्त्रित क्षेत्र खेरसनमा रहेको नोभा काखोभ्का बाँधमा विस्फोट भएको छ ।
विस्फोटका कारण बाँध भत्किएपछि युक्रेनी सेनाले दिनप्रो नदीमा बाढी आउनसक्ने भन्दै आसपासका बस्तीका मानिसहरूलाई सुरक्षित ठाउँमा जान सुझाव दिएको बीबीसीले जनाएको छ ।
बाँधमा विस्फोट गराएको बारेमा रुस र युक्रेनले एक अर्कालाई आरोप लगाइरहेका छन् । युक्रेनका राष्ट्रपति भ्लोदिमिर जेलेन्स्कीले आपत्कालीन बैठक बोलाएर घटनाबारेमा निन्दा गरेका छन् ।
रुसले बाँध भत्काएको आरोप लगाउँदै युक्रेनले यसबाट ठूलो पर्यावरणीय नोक्सान हुने पनि बताएको छ । तर रुसको रक्षा मन्त्रालयका प्रवक्ता दिमित्री पेस्कोभले बाँध युक्रेनले नै ध्वस्त पारेको आरोप लगाएका हुन् ।
