काठमाडौं, ८ असार । नेपाल राष्ट्र बैंकले सोमबारका लागि विदेशी मुद्राको विनिमयदर सार्वजनिक गरेको छ। आज अमेरिकी डलर, कुवेती दिनार र बहराइन दिनारको मूल्य स्थिर रहँदा युरो र अस्ट्रेलियन डलरसहित केही विदेशी मुद्राको भाउ बढेको छ भने पाउन्ड स्टर्लिङमा सामान्य गिरावट देखिएको छ।
राष्ट्र बैंकका अनुसार अमेरिकी डलर एकको खरिददर १५० रुपैयाँ ६२ पैसा र बिक्रीदर १५१ रुपैयाँ २२ पैसा कायम गरिएको छ। यो दर अघिल्ला दुई दिनकै बराबर हो। यस्तै, जेठ ७ गते अमेरिकी डलर हालसम्मकै उच्च विन्दुमा पुगेर खरिददर १५४ रुपैयाँ ६२ पैसा र बिक्रीदर १५५ रुपैयाँ २२ पैसा पुगेको थियो।
आज युरो एकको खरिददर १७२ रुपैयाँ ७५ पैसा र बिक्रीदर १७३ रुपैयाँ ४३ पैसा निर्धारण गरिएको छ, जुन अघिल्लो दिनको तुलनामा केही वृद्धि हो। अस्ट्रेलियन डलरको खरिददर १०५ रुपैयाँ ६३ पैसा र बिक्रीदर १०६ रुपैयाँ ०५ पैसा पुगेको छ।
यता, पाउन्ड स्टर्लिङको मूल्यमा सामान्य गिरावट आएको छ। आज पाउन्ड एकको खरिददर १९९ रुपैयाँ ३३ पैसा र बिक्रीदर २०० रुपैयाँ १२ पैसा कायम गरिएको छ।
कुवेती दिनार र बहराइन दिनारको विनिमयदर भने अघिल्लो दिनकै स्तरमा स्थिर रहेको राष्ट्र बैंकले जनाएको छ।
राष्ट्र बैंकले आवश्यकताअनुसार विनिमयदर जुनसुकै समयमा संशोधन गर्न सकिने जनाएको छ। साथै, वाणिज्य बैंकहरूले निर्धारण गर्ने दर फरक हुन सक्ने भएकाले अद्यावधिक विवरणका लागि सम्बन्धित बैंक वा केन्द्रीय बैंकको वेबसाइट हेर्न आग्रह गरिएको छ।
हेर्नुहोस् सबै मुद्राको विनिमय दर
