काठमाडौँ, २३ साउन । राष्ट्रिय क्रिकेट टोलीको मुख्य प्रशिक्षकमा मनोज प्रभाकर नियुक्त भएका छन् ।
नेपाल क्रिकेट सङ्घ (क्यान)ले ट्वीट गर्दै यो जानकारी दिएको हो ।
भारतीय क्रिकेट टिमका पूर्वअलराउन्डर प्रभाकरले प्रशिक्षककै रूपमा रणजी ट्रफी पनि जिताएका छन् । साथै उनीसँग भारतको विभिन्न क्लब र अफगानिस्तानी राष्ट्रिय क्रिकेट टोलीको प्रशिक्षक भएर काम गरेको अनुभव पनि छ ।
पुबुदु दासानायकेले नेपाली टोली छाडेर क्यानडा गएपछि नेपालले नयाँ मुख्य प्रशिक्षक नियुक्त गरेको हो ।
