रुस, ३० फागुन । रुसमा कार्गो विमान दुर्घटना हुँदा विमानमा रहेका १५ जनाको ज्यान गएको छ ।
विमान उड्ने क्रममा एउटा इन्जिनमा आगो लागेको थियो । इन्जिनमा आएको खराबीका कारण टेक अफको समयमा विमान दुर्घटना भएको रुसी रक्षा मन्त्रालयले पुष्टि गरेको छ ।
विमानमा आठ जना चालक दलका सदस्य र अरु ७ जना गरी १५ जना सवार थिए । दुर्घटना रुसको राजधानी मस्कोबाट झण्डै २ सय ५० किलोमिटर पूर्वमा रहेको इभानोभो क्षेत्रमा भएको अन्तर्राष्ट्रिय सञ्चारमाध्यमले जनाएका छन् ।
