काठमाडौँ, १२ वैशाख । प्रतिनिधिसभाको उपनिर्वाचनअन्तर्गत चितवन क्षेत्र नम्बर २ मा राष्ट्रिय स्वतन्त्र पार्टीका उम्मेदवार रवि लामिछानेले ४० हजार ६९ मत प्राप्त गर्दा उनका निकटम प्रतिस्पर्धी नेपाली कांग्रेसका जितनारायण श्रेष्ठले ७ हजार ३ सय ५८ मत पाएका छन् । उनीहरुबीचको मतान्तर ३२ हजार ७ सय ११ रहेको छ ।
तेस्रो स्थानमा रहेका नेकपा (एमाले)का रामप्रसाद न्यौपानेले ७ हजार २ सय ६७ मत पाएका छन् । निर्वाचन आयोगको पछिल्लो तथ्यांकअनुसार चितवन २ मा मतगणना जारी छ ।
