काठमाडौँ, २६ चैत । शहीद प्रष्ठिान नेपालको अध्यक्षमा धर्मशीला चापागाईं चयन भएकी छन् ।
प्रतिष्ठानको १३ औं साधारणसभाबाट चापागाइँको अध्यक्षतामा सात सदस्यदीय नयाँ कार्य समिति चयन भएको हो ।
उपाध्यक्षमा हेमराज शर्मा, महासचिवमा युवराज चौलागाईं, कोषाध्यक्ष चित्रबहादुर घर्ती र सदस्यमा गोपालकृष्ण न्यौपाने चयन भएका छन् । समितिमा गण्डकी र सुदूरपश्चिम प्रदेशबाट सदस्य चयन गर्न बाँकी छ ।
शहीद प्रष्ठिान मातहत देशका विभिन्न स्थानमा शहीद स्मृति आवासीय विद्यालयहरु सञ्चालन हुँदै आएका छन् । साधारणसभाले उच्च तथा प्राविधिक शिक्षामा जोड दिंदै विद्यालयहरुलाई थप प्रभावकारीरुपमा सञ्चालन गर्ने निर्णय गरेको उपाध्यक्ष शर्माले बताए ।
