काठमाडौँ, १७ असार । श्री एअरलाइन्सले आजका सबै उडान स्थगित गरेको छ ।
विभिन्न जहाजमा पटकपटक प्राविधिक समस्या देखिएपछि श्री एअरलाइन्सले आजका सबै उडान बन्द गरेको प्रवक्ता अनिल मानन्धरले जानकारी दिए ।
उनका अनुसार आज सबै जहाजलाई ग्राउन्डेड गरेर राम्रोसँग जाँच गर्ने र भोलिदेखि नियमित उडान शुरु गरिने बताए ।
शनिबार पनि काठमाडौँबाट धनगढी उडेको जहाज अवतरण नगरी पुन: काठमाडौँ नै फर्किएको थियो ।
