काठमाण्डौ, ८ फागुन । संविधानसभा सदस्य एवम् नेकपा (एकीकृत समाजवादी) का पोलिटब्युरो सदस्य विदुर सापकोटाको निधन भएको छ ।
काभ्रेको मण्डनदेउपुर नगरपालिका–७ निवासी ५९ वर्षीय सापकोटाको उपचारका क्रममा काठमाण्डौको चाबहिलमा रहेको हेल्पिङ ह्यान्ड्स सामुदायिक अस्पतालमा आज बिहान निधन भएको एकीकृत समाजवादीका पोलिटब्युरो सदस्य टोकबहादुर वाइबाले जानकारी दिनुभयो ।
सापकोटा लामो समयदेखि उच्च रक्तचाप र मधुमेहबाट पीडित हुनुहुन्थ्यो । सापकोटाको पत्नी र एक छोरी हुनुहुन्छ ।
