काठमाडौँ, २३ वैशाख । सत्ता गठबन्धनले आज काठमाडौँमा चुनावी सभा गर्दैछ ।
सभालाई प्रधानमन्त्री तथा नेपाली कांग्रेस सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधवकुमार नेपाललगायतले सम्बोधन गर्नेछन् ।
काठमाडौँ महानगरपालिकामा गठबन्धनबाट कांग्रेस नेतृ सृजना सिंह मेयरमा उम्मेदवार छन् भने ललितपुर महानगरमा पनि कांग्रेसकै चिरीबाबु महर्जन उम्मेदवार छन् ।
चुनावी तालमेलका कारण नेता कार्यकर्तामा असन्तुष्टि र अविश्वास बढिरहेका बेला विश्वासको वातावरण बनाउन सत्ता गठबन्धनले संयुक्त चुनावी सभा गरिरहेका छन् ।
