झापा, १३ साउन । मेचीनगरमा विषालु सर्पको डसाईबाट स्वास्थ्य स्वयम्सेविकाको मृत्यु भएको छ ।
मृत्यु हुनेमा मेचीनगर नगरपालिका वडा नं.११ की रुपा मैनाली रहेकी छिन् ।
उनलाई गएराति आफ्नै घरमा सुतेको अवस्थामा विषालु सर्पले डसेर घाइते बनाएपछि उपचारको लागि चारआलीस्थित सर्पदंश लगिएको थियो । त्यहाँ सम्भव नभएपछि थप उपचारको लागि बिर्तामोड लैजादै गर्दा बाटोमा नै ज्यान गएको हो ।
मैनाली धाइजन स्वास्थ्य चौकी अन्तरगत मेचीनगर-११ मा सामुदायिक स्वास्थ्य स्वयम्सेविकाको रुपमा कार्यरत थिइन् ।
