काठमाडौं, १ मंसिर । राष्ट्रिय प्रजातन्त्र पार्टी (राप्रपा)ले सुदूरपश्चिम प्रदेशको यात्रा गर्ने भएको छ । अध्यक्ष राजेन्द्र लिङ्देनको नेतृत्वमा राप्रपाका शीर्ष नेताहरु सुदूरपश्चिम प्रदेशको ५ जिल्लामा पुग्न लागेका हुन् ।
यात्रा सोमबार बाजुराबाट सुरु हुने राप्रपाका प्रवक्ता मोहन श्रेष्ठले बताउनुभयो । राप्रपाका शीर्ष नेताहरु सोमबार बाजुराको कोल्टी, मंगलबार अछामको मंगलसेन, बुधबार डोटी, बिहीबार कञ्चनपुर र शुक्रबार कैलाली साडेपानीमा पुग्नेछन् ।
कर्णाली यात्रापछि उत्साहित भएर अहिले सुदूरपश्चिम यात्रा गर्न लागेको प्रवक्ता श्रेष्ठले बताउनुभयो ।
सुदूरपश्चिमको कुरा सुन्न र आफ्ना कुरा भन्न राप्रपाले यात्रा तय गरेको हो । यसअघि राप्रपाले कर्णाली प्रदेशको यात्रा गरेको थियो ।
