काठमाडौँ, ३ पुस । नेपाली बजारमा आइतबार सुनचाँदीको मूल्य बढेको छ ।
नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा ६०० रुपैयाँले बढेको हो ।
आज छापावाल सुन तोलाको एक लाख ५०० रुपैयाँमा कारोबार भएको छ । शुक्रबार ९९ हजार ९०० रुपैयाँमा कारोबार भएको थियो ।
त्यसैगरी तेजाबी सुन तोलाको एक लाख रुपैयाँमा कारोबार भइरहेको छ ।
त्यस्तै आज चाँदीको मूल्य पनि तोलामा १० रुपैयाँले बढेको छ । चाँदी तोलाको एक हजार ३८० रुपैयाँमा कारोबार भइरहेको महासंघले जनाएको छ ।
