सुनसरी, १२ कात्तिक । सुनसरीको इटहरी उपमहानगरपालिका वडा नम्बर १० मा शुक्रबार बेलुकी दुई वटा मोटरसाइकल ठोक्किँदा तीन जनाको मृत्यु भएको छ ।
मृत्यु हुनेमा मोरङको बूढीगङ्गाका ३० वर्षका ओजराज लुइँटेल, धरान उपमहानगरपालिका वडा नम्बर १५ का ४० वर्षका राजन राई र ३२ वर्षका शम्भु राई रहेका सुनसरीका प्रहरी नायब उपरीक्षक राजकुमार राईले जानकारी दिए ।
विराटनगरबाट इटहरी जाँदै गरेको को ४ प १४१० नम्बरको मोटरसाइकल र इटहरीबाट विराटनगरतर्फ जाँदै गरेको प्रदेश १-०२-०४१ प ४४११ नम्बरको मोटरसाइकल ठोक्किएका हुन् । दुर्घटनामा परेका तीनै जनाको उपचारका क्रममा राति नै ज्यान गएको हो ।
